Urrezko FAAM Sarien XXII. edizioa ospatu zuten azaroaren 29an Almeriako Unibertsitateko Paraninfoan. Urritasuna duten Pertsonen Nazioarteko egunarekin bat eginez, zortzi sari banatu zituzten kategoria ezberdinetan, eta Gizarte eta Zientzia ikerketako saria jaso zuen Ospitalarioak Fundazioa Euskadik.
Fundazioko zuzendari gerentea den Marisa Merinok jaso zuen saria, Desgaitasuna duten Pertsonen Elkarteen Almeriako Federazioaren eskutik. Fundazioaren "espezializazio klinikoa, teknologia aurreratua eta ebaluazio funtzional objektiboa integratzeko gaitasun handia" nabarmendu dute Almeriako Fundaziotik.
Eguneroko lanaren "aitortza"
Merinoren ustez, Fundazioko talde profesionalaren "eguneroko lanaren aitortza" ere bada, aintzatespen hau: "Sari honek pertsonen errekuperazioan eta autonomian hobetzeko egunero lan egiten dugunon profesional guztion ahalegina eta bikaintasuna saritzen ditu. Behar gehien dituzten pertsonen inguruan ikertzen, berrikuntzan eta laguntzen jarraitzeko bultzada da”.