Abenduaren 4an piztuko dituzte Gabonetako argiak eta aurtengo berrikuntza nagusia da haur eta familien parte hartzearekin egingo dutela hori, "iluntzea kolore eta emozioz betetzeko asmoz", azaldu dutenez. Gainera, arratsalde osoan Txatxilipurdik dinamizatutako hainbat jarduera izango dira, "guztiek festa giroa eta herritarren elkarlana sustatzeko helburuarekin".
Txatxilipurdi elkarteaz gain, ekimenean parte hartuko dute Trikitixa Eskolako ikasleek, herriko haur eta gazte abesbatzek eta musika eskoletako haurrek. Honako hau izango da egitaraua:
- 17:00 – 18:30: Txatxilipurdiren eskutik apaingarri tailerra.
- 18:30: Kalejira Trikitilariekin.
- 18:45: Gabonetako argien piztearen ekitaldia.
