Lanaldi erdiko ordezkapen kontratua izango da, urtebetekoa, eta luzatzeko aukerarekin. Aurreikusitako hasiera data 2026ko otsaila da. Ordutegiari dagokionez, malgua, "beste lanekin edo ikasketekin bateragarria", azaldu dutenez. "Maila pertsonalean garatzeko eta formatzeko aukera da", gaineratu dute.
AED elkarteak kudeatzaile bat behar du, eta interesa daukatenek curriculuma bidali beharko dute kudeaketa@aedelkartea.eus helbidera, abenduaren 10a baino lehen.
Eskakizunei dagokienez, honako hauek dira: administrazio eta kudeaketa ezagupenak izatea (giza baliabideak, diru-kontuak…); diru-laguntzen eskaeran esperientzia izatea; ofimatika ezagupenak izatea; euskaraz idazteko gaitasuna izatea EGA mailakoa edo baliokidea; eta talde-lanean aritzeko gaitasuna.
Era berean, honako ezaugarri hauei balioa emango diete: Arrasateko kulturgintza eta euskalgintza ezagutzea; kudeaketa ekonomikoan eskarmentua izatea; eta sare sozialetan edo webguneen kudeaketan eskarmentua izatea.
