Azaroan egin duten bidaia programa horren hirugarren fasea izango da. Lehenengoetan, ordenagailuak eta bestelako ekipamenduak bidali zituzten eta irakasleei lehen prestakuntza saioak eman zizkieten. Fase berrian, ordenagailu gehiago, wifi antenak eta proiektoreak eraman dituzte, eta irakasleen formakuntza jarduerak egin.
Udalak eskerrak eman die proiektua garatzen ari diren pertsona eta erakundeei, bereziki Birziklanet proiektuari, Arizmendi Ikastolari eta Arrasaten errotuta dagoen Saharaldeba taldeari. Halaber, saharar kanpamenduetako hezkuntza arduradunei oroigarri bat bidaliko die. Oroigarri hori jaso dute, Maider Morras alkatearen eskutik, Saleh Salekek, Saharaldeba elkarteko arduradunak, eta Gaizka Erañak, Birziklanet proiektuko arduradunak. Zer dio plakak: Bi herri, bihotz bat askatasunera! Eskerrik asko Arrasateko Udalaren partez.