Pilota hitzordu garrantzitsua izango da, beste urte batez, Santamas egunean; izan ere, 18:00etan hasita, bi pilota partidu jokatuko dira Uarkapen. Binakako txapelketako final laurdenetako partidua izango da horietako bat. Hain zuzen ere, Jaka-Iztueta eta P.Etxeberria-Rezusta bikoteek neurtuko dituzte indarrak. Aurretik, jaialdiari hasiera emateko, Bakaikoa eta Lizeaga Muruaren eta Eskuzaren aurka arituko dira. Hala, arrasatearrak herritarren aurrean jokatuko du aurten ere.
Sarreren erosketan berritasunak
Eguenean, 12:00etatik aurrera jarriko dute salgai pilota jaialdirako sarreren zati bat entradasfronton.com atarian, eta pertsona bakoitzak gehienez 5 sarrera erosteko aukera izango du. Gainontzekoak abenduaren 4an egongo dira salgai Uarkapeko lehiatilan, 18:00etatik aurrera. Kasu honetan ere, pertsona bakoitzak ezingo ditu 5 sarrera baino gehiago erosi, eta ordainketa esku dirutan egin beharko da.