LH-5eko eta LH-6ko neska-mutilei zuzendutako eskubaloi txapelketa antolatu du Arrasate Eskubaloik abenduaren 30erako. Goizez jokatuko dute, 10:00etatik 14:00etara.
Izena emateko epea abenduaren 22an amaituko da eta, horretarako, bi bide daude: aeb@arrasateeskubaloi.eus helbidera idatzita edota 619 67 26 96 telefono zenbakira deituta. Taldearen izena eta parte-hartzaileak zehaztu beharko dira izena ematerakoan eta taldeak mutilenak, neskenak edota mistoak izan daitezke.
