Egubakoitz honetan, azaroak 21, pilota jaialdia hartuko du Uarkape pilotalekuak, 19:00etan hasita. Gaur aurkeztu duten B serieko Binakako Txapelketako bi partidu jokatuko dituzte. Lehenengoan, Agirrek eta Erostarbek Bakaikoaren eta Aldaberen aurka jokatuko dute eta bigarrenean, berriz, Muruak eta Gabirondok Rekalderen eta Bikuñaren aurka neurtuko dituzte indarrak.
Sarrerak erosi daitezke dagoeneko, hemen. Partidaren egunean sarrerarik balego, Uarkapen bertan salduko dituzte, ordubete lehenagotik hasita.
Rezusta, Etxeberriarekin
Maila nagusian, bestalde, egungo txapeldun Beñat Rezusta bergararrak Peio Etxeberriarekin osatuko du bikotea eta berrikuntzetako bat da Rezustarekin azken txapelketa irabazi zuen Joseba Ezkurdia Jokin Altunarekin ariko dela aurtengo txapelketan, atzelari lanetan.