Garagune Arrasatek eta Aita Menni ospitaleak, AMS erakundearekin elkarlanean, 'Zertzelada solidarioak' erakusketa jarriko dute Kajoi tabernan, azaroaren 25etik abenduaren 3ra. Batutako dirua Nikaraguako Guk ahal dugu proiektura bideratuko dute.
Garaguneko kideek eta Aita Menniko Ahizpa Ospitalarien fundazioko kideek egindako koadroek osatuko dute erakusketa, eta azaroaren 25etik abenduaren 3ra Kajoi tabernan ikusi ahal izango da. Ondoren, abenduaren 4an, enkantea egingo dute Kulturaten, 18:00etan.
Activos por un Mundo Solidario gobernuz kanpoko erakundearen 25. urteurrenaren baitako ekimena izango da eta, beraz, enkantean batutako dirua Nikaraguako Diriamba herrian duten Guk ahal dugu proiektura bideratuko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.