Jon Garciak, Iñigo Zubizarretak, Jokin Vitoriak, Aitor Morenok, Daniel Apokadak eta Andoni Aizpuruk osatutako Erromintxelak Swing musika talde arrasatearraren kontzertuak emango dio hasiera Soraluzen Blues Hotsak jaialdiari. Taldeak Nork Erran Eni diskoa aurkezten dihardu.
Astebete luzatuko den jaialdia
Blues Hotsak jaialdia azaroaren 23a bitartean luzatuko da. Domekan, Erromintxelak taldearen kontzertuarekin batera, trikuharriko bisita izango da goizean. Astelehenean, Oihane Amantegik Ibaiertzeko ipuina liburuaren inguruko solasaldia eskainiko du. Eguenean berriz, Whiplash filma proiektatuko dute.
Azaroaren 21ean, egubakoitza, Ina Forsmanek Herriko Antzokian kontzertua eskainiko du. Zapatuan, Mississipe Queen & The Wet Dogs, Anari, Carmen Paris eta Iker Piris & Dual Electras ariko dira. Jaialdia amaitzeko, datorren asteko domekan, Joan Pau Cumellas & Tofol Martinez, Susan Santos eta Quinn Devaux izango dira Soraluzen. Egitarau osoa hemen klikatuz ikusi daiteke.