Beste urte batez Elizondon (Nafarroa) izan ziren azaroaren 12an Arrasateko erretiratuak Abaroak antolatuta. 130 lagun, hiru autobus, joan ziren eta "egun-pasa polita" egin zuten. Aurtengo azken txangoa izan da.
Iritsi orduko hamaiketakoa eskaini zieten Baztan hotelean, eta ondoren, herria bisitatzeko astia izan zuten. Hotelera itzuli ziren bazkaltzeko eta ondoren, bazkalostea, bingo saioak girotu zien. 18:30an hartu zuten etxerako bidea, opari eta guzti. "Txango polita izan da, eguraldi ona, janari bikaina eta adiskidetasun handia. Txapo!", adierazi dute eta gaineratu: "Txaloak zuzendaritza batzordearen aitortza gisa".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.