Gonzalo Garcia Bazen musikarekin, Figueroak zuzeneko musika, komedia, bentrilokia, magia eta bakarrizketak uztartzen ditu El ventrílocuo ikuskizunean. "Jaime bentrilokuoa bakarrik heltzen da beti, bere burua bakarrik aurkezten du, bakarrik antzezten du, eta, noski, bakarrik hitz egiten du. Baina eszenatokian dagoenean, gauza txikienek ere parte hartzen dute: paper zatitxo bat, benetako arkakuso-zirku bat edota Gospel kantak abesten dituen sai arre bat. Komedia soil bat ez bada ere, haren bakarrizketek barre algarak aterako dizkigute", azaldu dute.
Saioak 75 minutu iraungo du eta sarrerak Internet bidez salgai daude, 10 eurotan.