Ezkurdia eta Altuna III.a lau eta erdiko Eusko Label Txapelketako hirugarren postuko kaxoira igotzeko norgehiagokan ariko dira Uarkape pilotalekuan domeka honetan, azaroaren 9an.
Txapelketa lau aldiz irabazi duen amezketarra, Peio Etxeberriaren aurkako partida 9-22 galtzetik dator, eta, Ezkurdiak berriz, 6-22 galdu zuen Zabalaren aurkakoa. Ez datoz unerik gozoenean, baina punta puntako pilotariak dira biak eta goi-mailako lehia espero da.
Binakako partida
Jaialdia 17:30ean hasiko da, binakako partida batekin, tartean Ander Murua arrasatearra. Alberdi II-Mariezkurrena II eta Murua-Zabaleta izango dira bikoteak. Sarrerak www.entradasfronton.com webgunean daude salgai. Partidaren egunean sarrerarik balego, Uarkape pilotalekuan bertan salduko dira ordubete lehenago.