Mondratek Barakaldoko Lagun Onak taldearen aurka jokatuko du asteburu honetan, Areto Futboleko Hirugarren Mailako bosgarren jardunaldian. Partidua zapatuan jokatuko da, Musakolako kiroldegian, 17:15ean. Ligako bosgarren jardunaldira indartsu iritsiko dira Arkaitz Riberaren mutilak. Izan ere, aurtengo denboraldian jokatu dituzten lau partiduetan Arrasateko taldeak ez du lehiarik galdu. Mondratek hamabi puntu posibleetatik hamar lortu ditu lehenengo lau partiduetan: hiru garaipen eta berdinketa bat, hain zuzen ere.
Ligako bigarren sailkatuak
Donipariren atzetik –12 punturekin– bigarren postuan sailkatuta dago Arrasateko taldea, eta orain arte erakutsitako dinamika onarekin jarraitzeko aukera izango dute zapatu honetan: lehen lau partiduetan punturik lortu gabe azken sailkatua den Galdakaoko Lagun Onak taldearen aurka.