Ane Labaka Mayoz bertsolari eta idazleak Hezur berriak (Susa, 2025) poesia liburua
plazaratu du aurten. Bertan, ama izan aurreko eta ondorengo hilabeteetan bizitako
beldurrak, ilusioak, biolentziak, presio sozialak, erruak, pozak eta nekeak bildu ditu.
Liburuaren aurkezpen saio berezia antolatu du Arrasateko Emakume Txokoak. Hilaren 23an izango da, 19:00etan, JAMEn.
Irakurketa musikatua bertsoaldiekin tartekatuta
Ane Labakaren liburua abiapuntu, eta egilearen hitzetan, saioak aukera bat izan nahi du ama diren bertsolariekin batera hori dena oholtza gainera eramateko. Emanaldian izango dira Ane Labaka (testuak eta gaiak), Amaia Agirre Arrastoa, Onintza Enbeita Maguregi eta Jone Uria (bertsolariak) eta Ines Osinaga (musikaria).