"Oso pozik gaude, arrakastatsua izan da lehenengo irteera hau", nabarmendu du Besaideko presidente Olatz Igartuak. Besaidetik gaztetxoenendako antolatutako mendi irteerak 250 lagun inguru batu zituen zapatuan. Gazteak 70 taldetan banatu zituzten, guraso bat arduradun zela. "Lehenengo kontrola Meatzerrekan zuten, eta ibilbide motza egin nahi zutenek handik Biterirako bidea hartu dute. Han txalapartarekin egin diete ongietorria, eta ibilbide luzekoek Udalarako bidea hartu dute. Eta, gero Biterin txokolate beroa izan dute denek. Egia esan oso gustora geratu gara, errepikatzeko moduko hitzordua izan da".