Ohiko saltzaileak egongo dira bertako produktuak saltzen eta, erosle guztien artean, sagar produktuekin egindako hamar otar zozketatuko dituzte. Gainera, sasoia aprobetxatuz, sagarrari balioa emango diote. Izan ere, azokan badaude ekoizle asko, zuzenean edo zeharka, sagarra ekoizten dutenak: sagarra (fruta), sagar tartak, teak, marmeladak, sagardoa, ozpina, zukua eta abar. Beraz, hainbat sagar barietate eta sagarretik eratorritako produktuak egongo dira salgai azokan.
Gainera, azokako partaide den Lizagasar enpresaren eskutik, sagar purea, marmelada, sagardoa eta zukua dastatu ahal izango dituzte herritarrek, besteak beste, azokako ogi eta gaztarekin lagunduta.
