Istripu baten ondorioz, itxita dago N-636 errepidea

Ertzaintzak jakinarazi duenez, kamioi baten eta bi autoren arteko istripua izan da N-636 errepidean, Epeletik Kanpazarrera bidean, 14:00ak aldera, eta itxita dago. Hara gerturatu dira larrialdi zerbitzuak, eta harrapatuta geratu den gidarietako bat atera behar izan dute suhiltzaileek; hala ere, oraindik ez da jakinekoa nola dagoen. Garbiketa lanak egin ondoren irekiko dute errepidea.