Dragoiak eta Maritxuk esandako hitzak, jarraian:
Dragoia: "Oin dala mende asko, arrasatearrak Murugainen bizi zan dragoian beldurrez bizi zien... Hori kontetan dau herrixan hain ezaguna dan kondairak. Urtero herriko neska bat emuten omen eutzien jateko... Eta hola izan omen zan errementari batek dragoia hil arte...".
Maritxu: "Kondaira hori zan, baina kajoi barruen 49 urte ein ostien, apur bat aspertu ein naz ni, eta dragoiai deittu dutzet, aber hemendik bajetan nauen, bueltatxo bat emuteko.
Ondo pasau jaixa! Eta 50. urteurrenien ikusiko dogu elkar! (EDO EZ!)".
Herriko plaza, goraino
Herriko plaza jendez beteta zegoela gertatu da miraria; gazte eta heldu, dotore jantzita guztiak. Plaza goraino beteta, eta, berdin, alboetako etxeetako leiho eta balkoiak ere. Miraria gertatzeko hamar minuturen faltan plazara iritsi den txarangak dantzan jarri ditu guztiak.
