Aurtengo berrikuntza nagusia oinarrizko arabiera ikastaroa izango da. Irailaren 22tik urriaren 27ra izango da, astelehenetan, 17:30etik 19:30era. Bestalde, ibilgailuen oinarrizko mantenu ikastaroa eguaztenetan egingo dute, urriaren 22tik azaroaren 12ra arte, 18:00etatik 20:00etara.
Halaber, urriaren 6ko astean hasiko dituzte jarraipena duten ikastaroak. Batetik, joskintza ikastaroa martitzenetan egingo dute, bi taldetan (16:00etatik 18:00etara eta 18:00etatik 20:00etara); baita eguenetan ere, 16:30etik 18:30era eta 18:30etik 20:30era.
Yin Tao ikastaroa, bestalde, hilabeteko lehen eguenetan egingo dute, 18:00etatik 20:00etara. Horrekin batera, kakorratz eta puntu ikastaroa astelehenetan 17:00etatik 19:00etara eta eguaztenetan 18:00etatik 20:00etara izango da.
Patroigintza ikastaroari erreparatuta, urriaren 10etik abenduaren 19ra izango da, egubakoitzetan, 16:30etik 18:30era.
Izena emateko, deitu 651 70 79 36 telefono zenbakira edo idatzi emakumeak@ekinemakumeak.eus helbidera.