Arrasate Errugbi Taldeak bere taldeen aurkezpena egin du Seber Altuben; 10, 12, 14, 16, eta 18 urte azpiko taldeek, seniorrek, inklusibokoek eta beteranoek egin dituzte argazkiak. Guztira 150 lagun inguru batu dira. Ekitaldia biharko txapelketari garrantzia emateko antolatu dutela adierazi dute.
Gainera, biharko txapelketara gonbidatutako taldeei argazki-saioan parte hartzeko gonbidapena egin diete, eta bertan izan dira. Ondoren, Seber Altuben bertan mokadutxoa hartu dute.
Txapelketa, zapatuan
Arrasate Errugbi Taldeko amen taldeak, Pirolitikak, Amarians izeneko txapelketa antolatu dute irailaren 20rako, asteburu honetarako. Lehen edizio honetan hiru talde gonbidatu dituzte: Valladolideko Vacceas, Alcorconeko Tigresas eta Donostiako Blasfemmes. Partiduak Mojategin jokatuko dira, bihar.