Euskararen sustapena erronka estrategikoa dela azaldu du Joseba Ezpeletak, Euskara zinegotziak. "Gure nortasunaren oinarri eta etorkizuneko garapenaren giltza da, eta euskara bizirik mantentzeak kohesio soziala indartzen du".
Herrian eta kalean euskara sustatzeko plana da jomuga. "Erronka askoz handiagoa da plan honek eskatzen duena, horregatik, ezinbestekoa izango da herritarren eta euskaltzaleen parte hartzea planaren lehen urrats honetan", gaineratu du Ezpeletak.
Hori horrela, galdetegia erantzuteko dei egin du zinegotziak. "Digitalki galdetegia erantzunez, oso lagungarria izango da Arrasateko argazki erreala lortzeko". Galdetegian ematen diren erantzun guztiak anonimoak izango dira.