Ibai-Artek Merkataritza Berdearen Astea jarri du martxan gaur. "Ekimen sendoa da, eta Arrasateko merkataritzak eta zerbitzuek jasangarritasunarekin eta ingurumenarekin duten konpromisoa erakustea du helburu", azaldu dute. 50 otarre zozketatuko dituzte.
Irailaren 15etik 25era, bezeroek Debagoieneko edo zero kilometroko produktuekin egindako 50 saskiren zozketan parte hartu ahal izango dute. "Parte hartzeko, irailaren 25era arte Arrasate Txartelarekin erosketak egin besterik ez duzu, edo Arrasaten egindako erosketen tiketen argazkiak 688 73 41 49 WhatsApp zenbakira bidali", azaldu dute.
Sari banaketa irailaren 27an, zapatua, egingo dute, 13:15ean, Herriko Plazan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.