Bizikidetza eskoletan hezitzaile lanak egingo dituen norbaiten bila ari da Ekin Emakumeak Elkartea. "Eskola horietan, aniztasun kulturala eta aniztasun guztiak lantzen dira dinamika parte-hartzaile eta kooperatiboen bitartez. Ikasle eta nerabeei kultura-aniztasunaren eta feminismoaren inguruko ezagutzak, jarrerak eta balio positiboak helaraziz, jendartea eraldatzeko daukaten moduak lantzen dira", nabarmendu dute elkarteko kideek.
Langileak hainbat ezaugarri bete beharko ditu: taldeen dinamizazioa; dinamikotasuna eta gazte zein nerabeen kultura ezagutzea; eta ikuspegi kritikoa. Halaber, honako gaitasun hauek ere aintzat hartuko dituzte: euskaraz komunikatzeko gaitasuna izatea, EGA edo baliokidea izatea; aniztasunaren eta feminismoaren inguruko jakintza izatea; nerabeekin lan egiteko gaitasuna; eta taldeekin lan egiteko gaitasuna.
Eskaintzari dagokionez, honako hau da: astean zehar, goizez tailerrak dinamizatzea LH-6n, DBH-1en, DBH-3n eta DBH-4n, baita Lanbide Hastapenean zein erdi eta goi mailako zikloetan ere.