Emaus Gizarte Fundazioak eta Arrasateko Udalak, Gipuzkoako Foru Aldundiaren babesarekin, jaia, iraunkortasuna eta herritarren parte-hartzea batzen dituen ekimena jarri dute martxan, eta arratsaldean, Emausen Maritxu Kajoi egunerako bigarren eskuko jantziak probatu eta erosteko aukera izan da.
Bertan izan direnek, Maialen Uranga estilistaren gomendioak entzun dituzte, eurendako arropa egokiena aukeratu ahal izateko, eta bertan dauden arropei bigarren bizitza bat emateko asmoz.
Hurrengo tailerra, hilaren 20an
Gaur joan ezin izan dutenek, bigarren aukera bat ere izango dute; hilaren 20an, 10:30etik 13:30era bitartean egongo delako berriro estilismo tailerra eta jantziak probatu eta erosteko aukera.
Horretarako, izena eman behar da iban.bujan@emaus.com helbidera idatzita edo 943 77 18 71 telefono zenbakira deituta.