Ointxe klubak "urrats sendoa" egin du saskibaloia herritar guztiengana hurbiltzeko eta aukera berdintasuna sustatzeko. "Urte osoko kuotarik ez izateak erraztasun handia emango die familia askori, eta kirola egiteko motibazioa handitu egingo du. Gainera, izena ematen duten guztiek jokorako jantziak jasoko dituzte, taldeko partaide sentimendua areagotuz eta talde nortasuna sendotuz", nabarmendu dute.
Ointxe klubaren ustez, saskibaloi eskolak "berebiziko garrantzia" du. "Klubaren oinarria da eta mimoz lantzen saiatzen gara. Saskibaloia talde kirolak izanik, talde-lana, errespetua eta diziplina lantzen dira. Helburu txikiak lortzen ikasten dute, porrotetik ikasiz eta ahalegina baloratuz. Saskibaloiak gorputza koordinatzea, abilidade motor finak eta orokorrak garatzea eta osasun ohitura onak eskuratzea ahalbidetzen du".
Izen-ematea dagoeneko zabalik dago, eta interesa dutenek Ointxe klubaren webgunean egin dezakete.