Irailaren 29ko astean hasiko dira eskolak, eta Kulturolan izango dira. Hastapeneko maila eguaztenetan elkartuko da, 19:00etan; bitarteko maila, astelehenetan 19:00etan eta eguaztenetan 17:30ean; eta dantza-txokoa, astelehenetan, 17:30ean. Izena emateko: 623 16 59 16 edo portaloielkartea@gmail.com.
Era guztietako dantzak ikasteko aukera izango dute parte hartzen dutenek, hala nola dantza lotua –pasodoblea, balsa eta polka, besteak beste–, dantza sueltoa –fandangoa, arin-arina, jota eta porrusalda–, dantza-jauziak, Baztango mutil-dantzak, ingurukoak, kontradantzak eta plazetako ohiko beste dantza batzuk. Hastapen saioak ere emango dituzte.