Egubakoitzean hasiko dira Mondrally topaketarako motorrak berotzen, 19:00etan hasita Irati taberna ondoan egingo duten paella-janarekin. Ondoren, Plan B taldearen kontzertua izango da, 20:00etan, eta Euskal Pentatloiarekin amaituko dute gaua, 22:00etan hasita (Jai Scooterista, Pottoko IV Urkuluko Txekorra eta Agina Il Ziorlako Astokiloa).
Zapatua izango da egun handia. Herriko Plazan elkartuko dira 11:00etan, eta izena emateko aukera egongo da bertan, Kajoi tabernan garagardoa dastatzearekin batera. Ondoren, 12:00etan hasita, eskuter irteera egingo dute eta 14:00etan izango da bazkaria, Larrinetxe jatetxean.
Eguna borobiltzeko, Jai Scooterista egongo da Basati tabernan, 20:30ean hasita, honako talde hauekin: Dr. Punko (Gure Gauza SC, Altza-Bronx); Naken Selektorrr (Malandros S.C. Zangoza); eta Sir Gorka (Mondraueko Dragoiak S.T.).