Atzo, eguaztena, 15:20 aldera SOS Deiak zerbitzuan mendizale baten deia jaso zuten. Eroriko baten ondorioz orkatila hautsita zuela adierazi zuen horrek.
Larrialde Zerbitzuak martxan jarri ziren orduan, baina behe-laino trinkoaren ondorioz, zailtasunak izan zituztela hura aurkitzeko adierazi dute. Ohatila batean eroan zuten Gipuzkoako suhiltzaileek lehen unean, eta gero, Zaintza eta Erreskate Unitateko helikopteroak ebakuatu Ertzaintzak Iurretan duen egoitzara. Handik Galdakaoko ospitalera eraman zuten anbulantzian.
Erreskate lanetan zebilen suhiltzaile batek ere istripua izan zuen eta min hartu. Hori ere Galdakaoko ospitalera eraman zuten.