Sekulako denboraldi bukaera egin du Katixa Navarro ziklista arrasatearrak. Kantabriako Itzulian lan ederra egin zuen hiru etapatan. La Bien Aparacedira egindako krono-igoera 33. lekuan bukatu zuen, eta lehenengo etapa 32. lekuan. Azken etapan, ziklista onenekin helmugaratu zen, seigarren lekuan.
Bada, uztailean, Pola de Sieroko lasterketa ere irabazi zuen, kadete mailan. Hemezortzi kilometroko zirkuitu bati hainbat itzuli eman zizkioten, ziklisten adinaren arabera. Azken itzulian, Muncó mendatea igo behar izan zuten. Navarro izan zen onena bere kategorian.