Larunbatean, 11:00etan hasiko dira jaiak, txupinazoarekin. Egunean zehar haur eta helduentzako jarduerak izango dira: puzgarriak, triki-poteoa, auzo kantu bazkaria –izen ematea abuztuaren 13a aurretik, 680 70 08 18 zenbakira Whatsaapp bidez– eta gauean bertso saioa Andoni Egaña, Oihana Iguaran, Aitor Mendiluze eta Maider Arregirekin. Xabi Goia izango da gai-jartzailea.
Igandean, jolasekin, auzoko hildakoen omenezko mezarekin eta tortilla txapelketarekin emango diote hasiera goizari. Arratsaldean, festei agur esateko, mus eta umeentzako bolo txapelketak jokatuko dira. Gainera, bi egunetan zehar txosna zabalik egongo da.