Duela 12 urte hasi ziren Zarugaldeko jaiak berriro antolatzen. "Gure kalea aldatzen joan da harrezkero, eta baita jai batzordearen osaera eta indarrak ere. Aldaketak aldaketa, jai batzordekook tinko eusten diogu kaleko bizilagunoi elkartzeko, elkarrekin kontu-kontari aritzeko, dantzatzeko eta gozatzeko aukera eskaintzeko gogoari", azaldu dute. Horregatik, abuztuaren 30ean, zapatua, Zarugaldeko jaiak ospatuko dituzte.
Honako hau da egitaraua:
- 19:00etan, Zeuk ein zeuk jan merienda (janaria bertan egongo da).
- 19:30ean, bonba japoniarrak.
- 19:45ean, buruhandiak.
- 20:00etan, boloa.
- 21:00etan, afaria.
- 23:00etan, Akorde taldearekin, dantzaldia.
- 23:30ean, zezensuzkoa.
- 23:45ean, Akorde taldearekin, dantzaldia.
