Donostiako Suite Seda taldeak emanaldia egingo du gaur, eguena, 19:30ean, Taupa tabernako arkupeetan. "Bost musikarik jam sessionetan egindako topaketatik sortutako banda da, funka, soula eta diskoa estilo handiz uztartzen dituen proposamenarekin". 2024an Paranoia Funk eta Nassage singleak argitaratu zituzten eta, 2025ean, Frenesí, Criando Malvas Recordsek ekoitzita. Orain, uda amaieran aurkeztuko dute haien lehen EP osoa.
Zapatuan, gainera, 60. Donostiako Jazzaldian joko dute eta Arrasaten ariko dira aurrez, "zuzeneko zirraragarri eta dantzagarriarekin". Suite Sedaren biharko kontzertua, era berean, 2025eko Katapulta Tour Gipuzkoa programaren baitako 40 emanaldietako bat ere bada, Katapulta eta Arrasate Bluesaren arteko elkarlanaren bidez antolatuta.