Udarako hainbat ibilaldi gidatu antolatu ditu Udalak, "naturaz eta historiaren aztarnez jositako ibilbideetan barna". Parte-hartzea doakoa den arren, izena eman beharko da aurrez, udal webgunean edo honako bi telefono zenbaki hauetara deituta: 943 25 20 00 eta 619 48 57 67. "Ibilaldiak egokiak dira lagunartean edo familian egiteko", azaldu dute udal ordezkariek. Hurrengo irteera uztailaren 20an, domeka, egingo dute: Udalatxi bira. 09:00etan irtengo dira, Udala auzotik.
Horrez gain, beste hainbat ibilaldi egiteko aukera egongo da. Uztailaren 27an, Arrasate-Urkiola ibilbidea egingo dute; abuztuaren 10ean, Bedoña-Larriño; abuztuaren 24an, Udala auzoa-Gongetako meatzea; irailaren 14an, Hartzaren Urratsa ibilbideko Arrasate-Bergara etapa; eta irailaren 21ean, Arrasate-Arantzazu. Azkenik, ohartarazi dute Arrasate-Bergara "zailtasun handikoa" dela.