Barberenak Suak erreko ez balu azken liburuaren inguruan egingo du berba eguaztenean Freskura egitasmoko saioan. Aezkoan girotutako nobela beltza da.
Solasaldian parte hartzeko ezinbestekoa da aurrez izena ematea eta gaur da horretarako azken eguna. Hemen zein Arrasateko bibliotekan edo Txatxilipurdi elkartean eman daiteke izena.
Liburua irakurri nahi dutenendako eskuragarri egongo da Arrasateko bibliotekan, baita Freskurako igerilekuko txokoan ere. Salgai ere badago ohiko liburu dendetan. Aezkoako mendi sute batean hiru mendizale hil eta geroko ikerketan, poliziak bi artzain atxilotu eta espetxeratu ditu. Urtebete geroago, Konpainia izeneko aseguru-etxeak Ainhoa Sanz peritua bidaliko du Aezkoara sutea ikertzera, aseguru-etxearen bezero diren artzainen inplikazioa argitzeko.