Uda garaira egokitutako tailerra antolatu du Udalak uztaileko bertako produktuen azokarako. Modu horretan, udarako egokiak diren hiru menu prestatuko dituzte tailerrean:
- Kinoa, pepino, ahuakate eta meloi entsalada.
- Sandwich begetala.
- Barazki salteatua.
Tailerra 11:00etan izango da, eta Naiara Uriartek gidatuko du (Errastiko ogia). Tailerrean parte hartu nahi dutenek aurrez izena eman beharko dute, plaza mugatuak baitaude. Izena eman daiteke BAZen, 943 25 20 00 telefonora deituta edo udal webgunean.
