San Juan jaien barruan antolatutako pilota jaialdia amateur mailako norgehiagoka batekin hasi dute, eta hor Zubia eta Osoro arrasatearrek galdu egin dute Arrieta-Zuazo bikotearen kontra. Partiduko lehen zatian parean egon dira indarrak, baina kanpotarrek abantaila lortu dutenean etxekoek ezin izan diete eutsi (22-12).
Partidu nagusian, berriz, Muruak eta Aldabek Exposito eta Eskuza izan dituzte aurrean. Lehenengo tantoetan gorriak hasi dira agintzen, baina urdinek norgehiagoka berdintzea lortu dute, eta lehia parekatuan Murua eta Aldabe lehenago iritsi dira 22ra.