Eskuko telefonoaren erabileraren inguruko galdetegiko emaitzen berri eman du Altxa Buruak, eta honako hauek dira jasotako datuak: bosgarren mailako gurasoei dagokienez, %33k erantzun du, eta horietatik ia denek –zehazki, %98k– hartu du adingabeei telefono mugikorra emateko momentua atzeratzeko konpromisoa; seigarrenekoen artean, berriz, gurasoen %39k erantzun du, eta %84k hartu du konpromisoa.
Hala, emaitzak aztertu ondoren, taldekideek ondorioztatu dute hamar gurasotatik hiruk atzeratu nahi dutela eskuko telefonoa emateko unea, baina badira zehaztasun gehiago mailaz maila: "Bosgarren mailako gurasoen kasuan, ez dakigu zer nahi duten hamarretik zazpik, ez dugulako informaziorik; seigarrenekoen artean, hamarretik batek ez du momentua atzeratu nahi, eta gainontzeko seiei dagokienez, ez dugu egin nahi dutenaren inguruko informaziorik".