San Juan jaietarako motorrak berotzen hasiko dira bihar, zapatua: arratsaldeko zazpietan, haurren danborradak izango du lekua, SUDC elkartearen eskutik. Arrasate Musikaleko Musika Bandarekin batera herriko hainbat txokotan entzun ahalko dira danbor soinuak: Kulturola, Biteri plaza, Maalako errebala, Erdiko kalea eta Herriko plaza.
Banderadunak eta jenerala
Dagoeneko aurkeztu dituzte banderadunak eta jenerala. Izadi Uribarrenek eramango du Arrasateko bandera, Maddi Etxebarriak SUDC elkartekoa eta Alaia de la Cruzek Ikurrina. Bestalde, Oihan Castillo izango da aurtengo haurren danborradako jenerala.