Maite Artajo iruindarrak zuzendu duen bideoklipa Nafarroako Taxoare herrian filmatu zuten. "Bideoak insomniozko gau bat esperientzia estetiko indartsu bihurtzen du. Oraingoan Aramaioko Sara Alonso musikariaren laguntza izan dugu. Bere ahotsa ezin hobeto lotzen da Jon Garcia del Valenarekin, abestiaren karga emozionala indartzen duen ahots-ehundura hipnotikoa sortuz", azaldu dute taldekideek.
Udazkenean formatu fisikoan
Bost abestirekin osatutako bilduma osoa Spotify plataforman dago dagoeneko eskuragarri eta udazkenean argitaratuko dute formatu fisikoan.