Irene Muruak gaztetan hartu zuen AEBtara ikastera joateko bidea, 2020an zeharkatu zuen Atlantikoaren beste aldera, eta orain, 22 urterekin, etxera itzultzea erabaki du. Horretan guztian, seguru, zeresana izango zuen IDK Euskotren taldekin jasotako deiak. Donostiako taldeak gaur eman du fitxaketaren berri sare sozialetan; hala, datorren denboraldian taldea indartzera dator Murua.
Ointxe!ko harrobiko jokalaria, AEBtan egindako urtetan zenbait taldetan jokatu du, hango unibertsitate ligara egokituz. Louisiana Tech taldean hasi zen, NCCA mailan. Ondoren Detroit Mercy Titanas taldera egin zuen salto eta hiru denboraldi egin zituen han –partiduko batazbesteko 12 puntu eta 8 erreboterekin–. Hala, AEBtan liga amaituta, arrasatearrak MUko neskak LF2 mailara igotzen lagundu zuen iaz, eta ondoren AEBtarako bidea hartu zuen ostera ere. Eta, azken urtean Fordham Rams taldean jokatu du.
✍️ Irene Murua IDK Euskotren da!
— IDK EUSKOTREN (@ibaetabasket) June 10, 2025
La jugadora de Arrasate se une a la familia del IDK tras su paso por Estados Unidos. Ongi etorri Donostiara! 🖤#IDKEuskotren | #EtxeaBabestu pic.twitter.com/SBmyI4GPWl