Obrak gauzatzeko epea hemezortzi astekoa izango da. Egingo dituzten lanen artean, honako hauek daude: estalkiaren egitura sendotzea plaka fotovoltaikoen pisua jasateko moduan izateko, teilatu-hodien berritzea, hegalean konponketak egitea, kaltetutako tablero aurrefabrikatuak ordezkatzea, eta teilatu osoko teilak berritzea. Obren aurrekontua 316.825,27 eurokoa da (BEZ barne), eta Construcciones Echaide SA enpresak egingo ditu lanak.
Jasone Girado Hezkuntza zinegotziak adierazi duenez, azken urteetan eraikinean hainbat itogin atzeman dituzte, eta horren eraginez egingo dituzte lanak. "Kontuan hartu behar da eraikina Udalarena dela eta teilatua ez dela azken hamarkadetan aldatu. Lan horiek ezinbestekoak dira eraikinaren egoera hobetzeko eta segurtasuna bermatzeko".