Euskal Herriko Argazkilari Taldeen Elkarteak arrasatearrari eman dio 2025eko Argizaiola Saria, Kenyan ateratako argazki batengatik, eta "oso pozik" hartu du saria. Iaz bigarren saria irabazi zuen eta elkarteari eskerrak eman dizkio aurtengo sari nagusia emateagatik.
Bost argazki aurkeztu ditu Igor Altunak aurtengo lehiaketan, eta horietako batek irabazi du sari nagusia. "Iazko azaroa zen. Kenyan, putzu tipiko bat dago, eta hara joaten gara, normalean, argazkiak ateratzera. Hamabi orduz egoten gara, gauez, 20:00etatik 08:00etara, argazki onena ateratzeko zain", azaldu du. "Lehoi bat ura edatera joan zen putzura. Guk jarritako argi batekin eta uraren islarekin, argazki hori ateratzea lortu nuen".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.