Zazpigarren edizioa izango du aurten ibilgailu klasikoen topaketak. Sarrera eta izen-ematea doakoak diren arren, plaza mugatuak izango dira. Izena ematen duten lehen 100 ibilgailuek, gainera, saria jasoko dute. Era berean, hainbat postu jarriko dituzte, askotariko produktuekin eta arroparekin, eta musika eta barra ere jarriko dituzte.
Egitarauari dagokionez, 09:30ean sartuko dira eremura ibilgailuak, eta 11:30ean ekingo diote ibilbideari. Ostean, 12:30ean iritsiko dira Arruenara eta 13:30ean egingo dute oparien zozketa.