Formatu parte-hartzailea eta ospakizun girokoa izango duen ekitaldi baten bitartez erakutsiko du Udalak marka berria datorren astean, eta adin guztietako arrasatearrei zuzendutako saioa izango da.
Aurkezpenaren baitan, honako hauek izango dira: herritarren hitzak, Arrasateko eragile ezberdinen parte-hartzearekin; irakurketa musikatua, Arrasateko kontakizun partekatua hitzen bidez irudikatzeko; eta haurrentzako espazio berezi bat, jarduera ludiko eta sortzaileekin. Horrez gain, "sorpresa bereziak" egongo direla ere aurreratu dute.
Udal ordezkariek azaldu dutenez, herri-marka ez da logo bat edo eslogan bat soilik. "Tresna bat da: gure nortasunaren inguruan biltzeko, gure berezitasuna kanpora erakusteko eta etorkizuneko erronkei elkarrekin aurre egiteko".