Raymond Torres ekonomialari ezaguna Arrasaten izango da maiatzaren 29an. Euskal ekonomia nazioarteko lehiakortasunaren testuinguru berrian izenburupean aurkeztu dute hitzaldia Isea S.Coop eta Bailara Enpresa Elkarteak eta euskal ekonomiaren etorkizuna baldintzatuko duten erronkei eta aukerei buruzko "ikuspegi sakona" landuko da.
Egoera ekonomikoa eta lehiakortasun-faktoreak izango dira aztegai: nahasmendu geopolitikoak, protekzionismoaren areagotzea, Estatu Batuetako muga-zergen politikak eta Alemaniako industria-ereduaren krisia.
Eskarmentu handikoa
Raymond Torresek esperientzia zabala du ekonomian eta lan-merkatuan. Beste hainbat kargu eta lanen artean, Funcas erakundearen Koiuntura Ekonomikoaren zuzendaria da, Funcas Europe behatokiko arduraduna eta El Pais egunkarian ohiko kolaboratzailea.
Hitzaldia izango da Garaia Parke Teknologikoko Areto Nagusian, 16:00etan. Horretarako, aurrez izena ematea beharrezkoa izango da; interesatuek irati@bailara.eus edo morobengoa@isea.eus helbidera mezu bat bidali beharko dute izena eman nahi dutela adieraziz.