Arrasateko BDZ ekimenaren eskutik Nakbaren 77. urteurrena izan dute gogoan Arrasaten; Otalora Lizentziatua kaleko berdegunean elkartu dira hainbat herritar eta eragile olibondo bat landatzeko. Horrekin erakutsi gura izan dute Palestinarekiko elkartasuna, baita Israelgo "estatu sionista eta genozidari" gaitzespena adierazi ere.
"Hamarkadetan zehar kolonizazioa, apartheida, derrigorrezko lekualdatzea eta Israelgo erregimen sionistak egindako genozidioa jasan ondoren emandako erresistentzia ereduagatik" izan dute gogoan Palestina Arrasateko BDZ ekimeneko kideek adierazi dutenez.
"Sionismoaren eta Apartheidaren aurkako ekitaldi sinboliko" horretan komunikatua irakurri ondoren, landatu dute Palestinaren ikur nazionala den olibondoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.