"Ehuneko ehuna eman eta lan bikaina egin du bere ibilbide honetan. Beraz, eskerrak eman nahi dizkiogu erakutsi duen profesionaltasunagatik. Hitz politak bestetik ez ditugu harentzat. Eskerrik asko, Julen!", adierazi du klubak sare sozialetan. "Jarraitu dezagun sortzen, handitzen eta amesten", gaineratu du.
2022-23 denboralditik
Eneko Mataren ordezko moduan heldu zen Julen Berrocal Arrasatera. Kirol ibilbide ia osoa Tabirakon egin eta gero, Berrocal 2017-2018 denboraldian Zornotzan (EBA) ibili zen entrenatzaile languntzaile lanetan, eta gero Tabirakoko taldeko ardura hartu zuen 2020ra arte –EBAn eta Lehenengo mailan lehiatu zen tarte horretan–. Eta 2020an Ibaizabalek fitxatu zuen, hain zuzen, emakumezkoen bigarren nazional mailako taldea zuzentzeko. Handik heldu zen Arrasatera, Hirugarren LEB mailako taldearekin lan egitera.