Maiatzaren 19an, astelehena, Hikadromoa egingo dute Seber Altube plazan, 19:00etan –eguraldi txarrarekin, Kulturolan izango da–. "Hika ikusgarri egitea da helburua. Beraz, Euskaraldiaren oinarriak mantenduta, hika erabiltzeko proposamena gehitzen zaio ariketari. Ez da derrigorrezkoa hika jakitea, ikasi edo entzun gura dutenek ere jarri dezakete pegatina", diote Geike mahaiko kideek.
Horrekin batera, maiatzaren 20an, martitzena, Dada U Lala umorezko antzezlana egingo dute Juan Arzamendi Musika Etxean, 18:30ean, Ekin Emakumeak Elkartearen eskutik –sarrera doakoa da–. Hilaren 22an, Badaki/ez daki lehiaketa egingo dute pintxo-potean.
Azkenik, Euskaraldiko amaiera ekitaldia egingo dute maiatzaren 25ean. Batetik, Anabel Ugaldek Euskara Arrasaten bisita gidatua egingo du, 11:30etik 12:30era. Ondoren, 13:00etan, kontzertua egongo da.
