Abiatu dute Euskaraldia Arrasaten

Kulturolako aterpean egin dute hasiera ekitaldia, musika eta dantza oinarri hartuta, DJ Goikoren gidaritzapean. Itsaso Garai eta Uxue Sampedro aritu dira ekitaldiko dinamizatzaile lanetan eta Belen Kortabarria eta Arkaitz Agirrezabal enbaxadoreek ere hartu dute berba, herritarrak ariketan parte hartzera animatuz. Ostean, dantzan borobildu dute ekitaldia, talde argazki bat aterata, eta luntxa ere eduki dute.