Iazko arrakastaren ondoren, Arrasateko Ardo Eguna bueltan da, edizio berrituarekin. Ibai-arteko kideen esanetan, "osatuagoa eta gure lurrari buruz hitz egiten duten zapore berriekin" dator. "Esperientzia partekatu bat da, tokiko produktuekin, ardoaren bi erreferentek gidatuta, gozatzeko, ikasteko eta topa egiteko", adierazi dute.
Hala, honako produktu hauek dastatu ahal izango dira: Araba Errioxako bost ardo; ardo zuri "sorpresa" bat; hiru oliba-olio euskaldun, "kalitate onenekoak"; eta eskualdeko artisau-gaztak, "kontu handiz aukeratuak, ezin hobeto uztartzeko".
Ardoei dagokienez, honako hauek izango dira: Vascomendi (2022); 3 de Olano; Malaspiedras (2021); eta M. Bello. Olioak, berriz, Eroiz Premium- Arroniz; Sustraiak; eta Artepe Ekologikoa. Gaztak, azkenik, Gazteluko Hitza (Arrasate) eta Aldai (Oñati).
Iaz moduan, bi gidari izango ditu saioak: batetik, Maider Larrañaga, Arrasateko Arteaga jatetxeko sommelierra; eta bestetik, Mikel Garaizabal, enologoa, sommelierra eta Euskadiko ardoaren dibulgatzaile ezaguna.